«Timotiygha yëzilghan ikkinchi xet»(Qisqiche chüshendürüsh) Bu xetning mu’ellipi elchi Pawlus bolup, u yash xizmetdishi we yardemchisi Timotiygha öz nesihetlirini qaldurush üchün bu xetni yazghan. U bu xetni yazghan chaghda kishenlinip, soghuq kamërgha solinip, özining xizmitining ayaghlishish aldida turuwatqanliqini, hayatiningmu uzungha barmaydighanliqini chongqur hës qilghan. Bu xetning asasiy tëmisi sewr-taqet toghruluq bolup, Pawlus Timotiyni hëchqandaq qiyinchiliqtin qorqmay, Eysa Mesihke bashtin axir sadiqliq bilen guwahliq bërishke, Eysa Mesih heqqidiki xush xewerning heqiqitide we muqeddes yazmilardiki telimlerde ching turushqa, jama’etchiliktiki mes’uliyitini ada qilishqa chaqirghan. Pawlus Timotiygha exmiqane we bihude talash-tartishlargha arilishishtin saqlinishni eskertken. Pawlus öz hayati, sewr-taqiti, mëhir-muhebbiti hemde basturulushqa uchrighandiki qiyinchiliqqa taqet qilishini, bolupmu özidiki ëtiqadni tilgha ëlish bilen Timotiygha ülge bolushni ümid qilghan. Tëzis: 1. Salam (1-bab 1-ayettin 2-ayetkiche) 2. Shükür we medet (1-bab 3-ayettin 18-ayetkiche) 3. Nesihet we agahlandurush (2-bab 1-ayettin 4-bab 5-ayetkiche) 4. Pawlusning ehwali (4-bab 6-ayettin 18-ayetkiche) 5. Axirqi salam (4-bab 19-ayettin 22-ayetkiche) |
||
