«Hezriti Eysa elchilirining pa’aliyetliri»(Qisqiche chüshendürüsh) Bu, Luqa bayan qilghan xush xewerning dawami bolup, uningda elchilerning Muqeddes Rohning küch-qudriti we yëtekchilikide xush xewer tarqatqanliqi we ëtiqadchilar jama’etchilikining qurulghanliqi asasliq qilip xatirilengen. Bu kitabta Eysa Mesih ershke kötürülgendin këyin elchilerning xush xewer tarqitish yolidiki xizmetliri, xush xewerning Yehudiye we Samariye ölkiliride we yene bir qedem ilgiriligen halda taki Rimghiche bolghan Ottura dëngiz rayonigha tarqilishi bayan qilinghan. Bu kitabtin shuni körüwalalaymizki, xush xewer künsayin keng tarqalghan, shundaqla Eysa Mesihke bolghan ëtiqad deslepte Yehudiylar arisida barliqqa kelgen bolup, këyin köpligen Yehudiylarning inkar qilishi hemde nurghunlighan Yehudiy emeslerning qobul qilishi bilen bara-bara dunyawi ëtiqadqa aylanghan. Tëzis: 1. Deslepki ëtiqadchilar jama’etchiliki (1-babtin 5-babqiche) 2. Jama’etchilikning këngiyishi we ziyankeshliklerge uchrishi (6-babtin 8-babqiche) 3. Pawlusning ëtiqadchi bolushi we xush xewer tarqitishi (9-bab 1-ayettin 31-ayetkiche) 4. Pëtrusning xush xewer tarqitish yolidiki ishliri (9-bab 32-ayettin 12-bab 25-ayetkiche) 5. Pawlusning birinchi qëtimliq xizmet sepiri (13-, 14-bablar) 6. Elchiler bilen yëtekchilerning Yërusalëmdiki yighini (15-bab 1-ayettin 35-ayetkiche) 7. Pawlusning ikkinchi qëtimliq xizmet sepiri (15-bab 36-ayettin 18-bab 22-ayetkiche) 8. Pawlusning üchinchi qëtimliq xizmet sepiri (18-bab 23-ayettin 21-bab 14-ayetkiche) 9. Pawlusning Yërusalëmgha bërishi we qolgha ëlinishi (21-bab 15-ayettin 26-babqiche) 10. Pawlusning Rimgha sepiri (27-, 28-bablar) |
||
