«Kolosiliqlargha yëzilghan xet»(Qisqiche chüshendürüsh) Bu, elchi Pawlusning Efes shehirining sherqige jaylashqan kichik bir sheher Kolosidiki ëtiqadchilar jama’etchilikige yazghan xëtidur. Gerche Pawlus bu yerdiki ëtiqadchilar jama’etchilikini özi qurup chiqmighan bolsimu, emma u burun Efes shehiridin u yerge xizmetchilerni ewetken bolghachqa, bu jama’etchilikke nisbeten chong mes’uliyitining barliqini hës qilghan. Shunga bu jama’etchilikte saxta telim bergüchilerning peyda bolghanliqini anglap, bu xetni ulargha yazghan. Saxta telim bergüchiler rohiy küchler dunyasidiki hökümranlar we hoquqdarlarning tesiridin toqup chiqqan telimlerni terghib qilghan. Ular yene xetne qilishqa oxshash alahide örp-adetlerge, shundaqla yëmek-ichmek we bashqa tereplerdiki bir qisim qa’idilerge ri’aye qilishta qattiq turghan. Pawlus bu xette Eysa Mesihni nahayiti tepsiliy, ëniq chüshendürüsh bilen Eysa Mesihning hemmidin üstün turidighanliqini, toluq qutquzulushqa peqetla u arqiliq ërishkili bolidighanliqini, ëtiqadchilar uninggha baghlinip, uning mukemmellikidin toluqlinip turghachqa ularning bundaq qa’idilerge mohtaj emeslikini körsitip, bu xil telimlerni aghdurup tashlighan. Pawlus yene bu heqiqiy telimning ëtiqadchilarning hayatidiki ehmiyitini chüshendürüp ötken. Tëzis: 1. Du’ayisalam (1-bab 1-ayettin 14-ayetkiche) 2. Eysa Mesihning üstünlüki we xizmiti (1-bab 15-ayettin 2-bab 19-ayetkiche) 3. Eysa Mesihke baghlanghan yëngi hayat (2-bab 20-ayettin 4-bab 6-ayetkiche) 4. Axirqi salam (4-bab 7-ayettin 18-ayetkiche) |
||
