«Pëtrus yazghan birinchi xet»(Qisqiche chüshendürüsh) Bu xet Eysa Mesihning elchilirining biri bolghan Pëtrus teripidin yëzilghan. Miladiye birinchi esirde, nurghun ëtiqadchilargha nisbeten ëytqanda, Eysa Mesihke ëtiqad qilish ziyankeshlikke uchrash dëgenlik idi. Shunga, Pëtrus ziyankeshlikke uchrighan ëtiqadchilargha teselli bërish we ularni ilhamlandurush üchün, bu xetni yazghan. Pëtrus xëtide Eysa Mesihning ölümi, ölümdin tirilishi hemde bu tirilish ëlip këlidighan ümidning qanchilik bibaha ikenlikini ëtiqadchilargha sherhlep ötken. U Eysa Mesihningmu ziyankeshlikke uchrighanliqini tekitlesh arqiliq ëtiqadchilargha teselli bergen we ularni tëximu köp ziyankeshlikke uchrash ëhtimalliqigha teyyar turushqa chaqirghan. Mu’ellip bu xil sinaqta ularning ëtiqadining tawlinip, piship yëtilidighanliqini tekitligen. U yene ëtiqadchilarni ëtiqadsizlar arisida Xudaning muqeddes xelqige layiq yashash arqiliq Eysa Mesihke guwahliq bërishke chaqirghan. Tëzis: 1. Salam (1-bab 1-ayettin 2-ayetkiche) 2. Hayatliq ümidi (1-bab 3-ayettin 12-ayetkiche) 3. Pak yashash kërek (1-bab 13-ayettin 2-bab 10-ayetkiche) 4. Ëtiqadchilarning mes’uliyiti (2-bab 11-ayettin 4-babning axirighiche) 5. Yëtekchiler we yashlargha nesihet (5-bab 1-ayettin 11-ayetkiche) 6. Axirqi salam (5-bab 12-ayettin 14-ayetkiche) |
||
