«Korintliqlargha yëzilghan ikkinchi xet»(Qisqiche chüshendürüsh) Elchi Pawlus bu xetni Korinttiki ëtiqadchilar jama’etchiliki bilen keskin munasiwette bolghan, yeni Korinttiki bezi ëtiqadchilar Pawlusqa her tereptin hujum qilghan chaghda yazghan. Pawlusning ularning jama’etchilikige bërish pilanini özgertkenlikidin, bezi ëtiqadchilar uningdin aghrinip, uni turaqsiz, ishenchlik emes dëse, az bir qisim ëtiqadchilar uni elchi emes, dep haqaretligen, hetta uninggha i’ane toplighan pulgha xiyanet qilghan, dëgen töhmetni chaplighan. Shunga, Pawlus ushbu xetning aldinqi bablirida özining Korinttiki ëtiqadchilar jama’etchiliki bilen bolghan munasiwitini tehlil qilip, özining nëmishqa ëtiqadchilar jama’etchilikide özige qarshi turghan ademlerge qattiq mu’amile qilghanliqini chüshendürgen we bu xil qattiq pozitsiyide bolushning ulargha pushayman we yarishish ëlip kelgenlikidin xushal bolghanliqini bildürgen. Këyinki bablirida, Pawlus bu jama’etchilikning Yehudiye ölkisidiki kembeghel ëtiqadchilargha yardem qilish üchün bashlighan i’ane toplash ishining axirini chiqirishini sorighan hemde özining elchilik hoquqini yaqlighan. Tëzis: 1. Du’ayisalam (1-bab 1-ayettin 11-ayetkiche) 2. Pawlus we Korinttiki ëtiqadchilar jama’etchiliki (1-bab 12-ayettin 7-babning axirighiche) 3. Yehudiyidiki ëtiqadchilar üchün i’ane toplash (8-, 9-bablar) 4. Pawlusning özining elchilik hoquqini yaqlishi (10-babtin 13-bab 10-ayetkiche) 5. Axirqi tilekler (13-bab 11-ayettin 13-ayetkiche) |
||
