«Pëtrus yazghan ikkinchi xet»(Qisqiche chüshendürüsh) Bu, elchi Pëtrusning hayatining axirqi mezgilliride (mu’ellip miladiye 68-yildin burun, yeni Rim impëratori Nëroning zulmetlik hökümranliqi dewride ëtiqadi seweblik öltürülgen) yazghan xëtidur. Mu’ellip bu xet arqiliq ëtiqadchilarni Eysa Mesih toghrisida yetküzülgen heqiqette ching turushqa hemde Xudaning özlirini tallighanliqini hayatida ispatlashqa chaqirghan. Mu’ellip ularni bir qisim saxta telim bergüchilerdin agahlandurup, ularning telimatlirini we bu xil telimlerning tesiridin peyda bolghan exlaqsizliqni qamchilighan. Mu’ellip yene Eysa Mesih qaytip kelmeydu, deydighan telimatning xata ikenlikini tekitligen. U Eysa Mesihning hazirghiche kelmesliki Xudaning «hëchkimning menggü halak bolmay, barliq insanlarning öz gunahlirigha towa qilishini» istigenlikidin ikenlikini körsitip bergen. Axirida u ëtiqadchilarni Eysa Mesihning qayta këlishini intizarliq bilen kütüp, pak yashash bilen Xudagha xizmet qilishqa ündigen. Tëzis: 1. Salam (1-bab 1-ayettin 2-ayetkiche) 2. Ëtiqadta yëtilishning yolliri (1-bab 3-ayettin 21-ayetkiche) 3. Saxta telim bergüchilerdin hezer eylesh (2-bab) 4. Eysa Mesihning qaytip këlishi (3-bab) |
||
